ممكن
ناس كتير تستغرب من الي بقوله ده بس هيه دي الحقيقه كتيرر بتمنى يبقى قلبي
حجر وساعتهاا بحسد الناس الي قلوبهاا حجر ...في حاجات كتير في حياتنا وفي
دنيتنا بتحصلنا بنتمنى ساعتها لو كانت قلوبنا من حجر
لما تحس بجرح في قلبك بيصرخ باعلى صوته وبيوجعك لدرجه مبقتش قادر تستحملها
لما تلاقي اغلى حلم في حياتك بيضيع من بين اديك وانت مش قادر تعمل حاجه وبياخده حد تاني
لما تتكشف ان قلبك الي هو المفروض مصدر لسعادتك بقى عباره عن بئر عميق مليان احزان
وخوف وذكريات بتقطع فيه
لما تشوف بعنيك كل حاجه حلوه في الدنيا بيداس عليهاا وبتموت من غير رحمه ولا احساس
لما تحس ان قلبك بقى سجين جواك وضلعوك هيه قضبان السجن وانت السجان الي بتعذب قبلك حتى لو من غير ما تقصد
لما تبقى عايش بتهرب من الم الماضي وبتقاوم عذاب الحاضر ومرعوب وخايف من المستقبل
لما تبقى عايش خايف تعلق نفسك باي حاجه علشان كل ما تتعلق بحاجه الدنياا بتاخدها منك وتسبلك بدل منهاا سكينه في قلبك
لما
تلاقي جوه قلبك مليووون سؤال ومش لاقي ولا اجابه لسؤال واحد ...ليه الضمير
مات ؟.....ليه الحب ضاع ؟ .....ليه القمر مبقاش نوره قادر يعدي الضلمه
والغيوم علشان ينور طريقنا ؟....ليه كل حاجه حلوه بتموت قبل ما تتولد؟
لو
حسيت بالاحسايس دي هتتمنى لو كان قلبك حجر فاقد الاحساس والشعور بالالم
والعذاب والمراره والحسره وممكن كمان تتمنى لو انه يتوقف عن النبض نهائياا
لتنتهي مع توقف نبضه الحياه بكل ما فيهاا من قلوب متحجره وقلوب متألمه.
آسف جداا لو كلامي ضايق حد او فكره بحاجه وحشه بس حبيت افضفض معاكوا باحساس واطلعه زي ماهو من غير ما اغير او اجمل فيه.