للشباب جرى

موضوع: للشباب جرى الخميس 20 أغسطس 2009, 7:56 pm

هااااااااااااى شباب انهارده جيبلكوا شويه اسئله فى الحب وعايزه اعرف رايكم.... اسئله محيرانى اوى واعتقد انها محيره كتير من الشباب

*1* ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟

*2* ياترى فى نظركم ايه اللى يخلى الواحد ممكن يتخلى عن الحب وياترى الظروف ممكن تكون سبب؟؟

*3* هل الفروق الشخصيه بين الطرفين ( الماديه_التعليم يه_الفكريه) ممكن تبقى سبب فى اننا نتخلى عن الحب؟؟؟

*4*فى نظركم ايه هى الخيانه... و امتى ممكن نسامح عليها وامتى لا؟ وليه بقت موجوده؟

*5*واخيرا وليس اخرا ايهما تختاروا؟؟ الحب ولا الكرامه؟؟ وليه؟

*6* يا ترى الحب الحقيقى اختفى ولا لاء ... وايه السبب؟؟

هستنى ردودكم

موضوع: رد: للشباب جرى الجمعة 21 أغسطس 2009, 3:49 am

*1* ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟ لا طبعا مش قاعده عامه دى مجرد مقوله بس فى اللى بيتحط فيها وفى اللى مش بيمر بيها نهائى

*2* ياترى فى نظركم ايه اللى يخلى الواحد ممكن يتخلى عن الحب وياترى الظروف ممكن تكون سبب؟؟ الظروف عمرها متكون سبب لخلق اى بعد بين الطرفين لان ان اشايفه اللى حاطط فى دماغه ان دى ليا يبقى هيبقى دا هدفه وربنا هيوفقه ان شاء الله بدل هو عاوز يمشى طريق صح

*3* هل الفروق الشخصيه بين الطرفين ( الماديه_التعليم يه_الفكريه) ممكن تبقى سبب فى اننا نتخلى عن الحب؟؟؟ اظن ان الفكريه ممكن تكون سبب بس مكن اى طرف يتغير حسب التفكير السليم اللى لدى الاخر

*4*فى نظركم ايه هى الخيانه... و امتى ممكن نسامح عليها وامتى لا؟ وليه بقت موجوده؟ مش عارفه بصراحه الخيانه دى حسب الموقف ملهاش قاعده عامه واانا عن نفسى اقدر اسامح عن الخيانه بس الا خيانه ليا انا شخصيا مينفعش اسامح عليها انا شايفه ان لما اتخدع فى حد دى خيانه ليا وعمرى مسامح عليها

*5*واخيرا وليس اخرا ايهما تختاروا؟؟ الحب ولا الكرامه؟؟ وليه؟ الاتنين طبعا انا اقدر احافظ على كرامتى فى ظل الحب

*6* يا ترى الحب الحقيقى اختفى ولا لاء ... وايه السبب؟؟ هو موجود بس مش لازم ندور عليه والله انتوا اللى خليتوا فى حاجه اسمها مفيش حب هو حد طلع الجمله دى والكل ماشى وراها انتوا علشان حاطين فى دماغكوا كده بس بجد صدقونى لو كل واحد راعى ربنا فى اللى بيعمله الحياه هتكون حلوه وربنا هيبارك فيها واكيد فى حب حقيقى مختفاش بس سبوها على الله

موضوع: رد: للشباب جرى الجمعة 21 أغسطس 2009, 1:21 pm

*1* ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟

دى بقت طبيعة الانسان لما يلاقى الحب بجد وبوفاء يشك ويقول لا ده مش بيحبنى او حتى لو بيحبنى لازم اخليه يدوق عذاب ومرار حبى عشان يفضل يحبنى ولازم اتقل وانا من رأى ان التفكير ده غلط تماما وانا عن نفسى مش بحب ده

*2* ياترى فى نظركم ايه اللى يخلى الواحد ممكن يتخلى عن الحب وياترى الظروف ممكن تكون سبب؟؟

الخيانة والكدب اكبر الاسباب وما اظنش ان الظروف تتحكم فينا لان الظروف بتكون مؤقتة وبتعدى

*3* هل الفروق الشخصيه بين الطرفين ( الماديه_التعليم يه_الفكريه) ممكن تبقى سبب فى اننا نتخلى عن الحب؟؟؟

لا طبعا بس فى بعض الاحيان خاصة للبنت ممكن تتخلى عن حبيبها لو مش هيعشها فى نفس مستواها او مستوى اقل بحاجات بسيطة لكن لو اقل خالص اظن انها مش هتستحمل لكن بالنسبة للولد مش بتفرق

*4*فى نظركم ايه هى الخيانه... و امتى ممكن نسامح عليها وامتى لا؟ وليه بقت موجوده؟

اكبر معنى للخيانة انها تعرف حد غيرى او تكون بتكلمنى وفى نفس الوقت بتكلم حد تانى وحتى الكدب فى اى حاجة يعتبر من الخيانة بس هنا الخيانة درجات

*5*واخيرا وليس اخرا ايهما تختاروا؟؟ الحب ولا الكرامه؟؟ وليه؟

الحب

انا مقتنع ان الحب مافهوش كرامة

*6* يا ترى الحب الحقيقى اختفى ولا لاء ... وايه السبب؟؟

عمر الحب مايختفى لانه حاجة موجودة فى حياتنا باستمرار مش الحب اللى اختفى الحبيبة هما اللى اختفوا الناس اللى بتحب بجد والمخلصين بجد هما اللى اختفوا لانهم مابقوش يحسوا بالامان ولا بقى فى ثقة فى اى شخص ولا حد بقى يستاهل الثقة دى لان البيع والفراق بقم سمة اساسية لقصص الحب فلماذاااااااااااااااااا؟؟

موضوع: رد: للشباب جرى الجمعة 21 أغسطس 2009, 1:23 pm

وعلى فكرة ياروما هانم مكتوب للشباب اشمعنا هناك قولتى ده اولا للبنات بس؟؟؟؟بتحبوا كل حاجة لنفسكم

موضوع: رد: للشباب جرى الجمعة 21 أغسطس 2009, 6:59 pm

نقطة نظام انا قولت للشباب و حط التوبيك فى قسم الشباب

ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟
دة لان بيكون فية غلط يعنى هيكون اكيد اللى بيحب اوى دة وبينجرح اوى هوة بيحب لكن حبيبة او حبيبتة مش هتكون بتحبة قد مابيحبها علشان كدة ممكن تجرحة بس

*2* ياترى فى نظركم ايه اللى يخلى الواحد ممكن يتخلى عن الحب وياترى الظروف ممكن تكون سبب؟؟
الحاجة اللى اعتقد انها تخلى الواحد يسيب اللى بيحبة الخيانة او انة يحس ان حبيبة مش بيحبة زى ماهوة بيحبة لكن اللى يقول ظروف دة مش بقتنع بحاجة اسمها ظروف خالص لان الظروف دية احنا اللى بنعملها بس

*3* هل الفروق الشخصيه بين الطرفين ( الماديه_التعليم يه_الفكريه) ممكن تبقى سبب فى اننا نتخلى عن الحب؟؟؟
فى بعض الاوقات اة بس ما اظنش التعليم بيفرق ومانضحكش على نفسنا الظروف المادية بتفرق اكيد والفكرية ازاى هتحب واحد او وحدة وهوة مش متفاهم معاك فى التفكير

*4*فى نظركم ايه هى الخيانه... و امتى ممكن نسامح عليها وامتى لا؟ وليه بقت موجوده؟
الخيانة انها ماتعملش اى حاجة انا قولتلها وتقولى عملتها وكمان الخيانة الاكبر انها تعرف حد غيرى فى بعض الاوقات ممكن تسامح فى بعض انواع الخيانة يعنى زى ماقولت ممكن تعديها دية لو ماعملتش حاجة انت عايزها بس انها تعرف حد غيرك متقدرش تسامح بس والله ساعات ممكن تقدر بس بتفضل فاكر على طول انها عملت كدة لية بقت موجودة بقا لان محدش بقا يحب بجد....

*5*واخيرا وليس اخرا ايهما تختاروا؟؟ الحب ولا الكرامه؟؟ وليه؟
الحب لان ساعات الحب بيخليك فى بعض الاحيان تتخلى عن كرامتك شوية ومحدش يقول الكرامة لان زى مابيقولوا مافيش فى الحب كرامة ووالله صح واسئلوا اى حد حب بجد

*6* يا ترى الحب الحقيقى اختفى ولا لاء ... وايه السبب؟؟
فى نظرى بقا قليل اوى ويابخت اللى يلاقية اية السبب اصلا كل حاجة فى الدنيا اتغيرت والانسان بالذات يعنى عمرك ماهتلاقى مثلا حب زى زمان لان الانسان نفسة اتغير فاجت على الحب واللى مش هيختفى او هيتغير اذا كان الانسان اتغير .....