هتعملي ايه لو مخطوبه لواحد زي ده ....؟

خطيب بارد جدا جدا

هووهى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .
هو : أكذب عليكى يعنى .

هي : لأ .. تحرق دمى أحسن .
هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

!!!!!!!!!

الله عليكى انتى بجد زى السكر وموضوعك حلو اوى بس انا لو مخطوبة لوحد زى دة كونت رميتو هو فى البحر وظبط مع غيرو فى نفس الثانية ههههههههههههههه عندا فية علشان اورية وخلية يشوف البرود على اصلو

هو محدش عايز من البنات يرد على الموضوع ده لان كل واحدة خايفة تبشر على نفسها بخطيب زى ده ههههههههههههههههههه

ههههههههههههههه دنا طقيت منه ربنا يكون في عونها اللي تقابل واحد زي ده

دة انا هنتحر بس اوعدة انى اموته قبلى علشان ما يضرش ناس تانية

انا هموته عشان مايزهقنيش تانى و ميضرش ناس تانية

يلهووووووووووووووووووووووووووووووووووووووووي
دا انا كنت قطعته حتت ورميته لكلاب الشارع ووقفت اتفرج عليه واضحك
دا لو اسحملت دقيقه معاه
ههههههههههههههههههههههههههههههههههههههه
بجد جامده تسلم ايدك

شكرااااااا بجد ردكم علية
انا لو مخطوبة لية
كنت رجعتة لامة عشان يرخم عليها
عشان يجيب ليها السكر والضغط هههههههه

هههههههههههههههههههههههههه انا اللى هرميه فى المية ووره ا شبكتو

انا كنت رميته تحت اقرب عربيه وبجد دمك خفيف مووووووووووووووت

ده انا ممكن ارزعوا بالقلم على وشه
واسيبه وامشى
ههههههههههه
تسلمى يا قمر

هههههههههههههههههههههههههههه لية كدة يا جماعة دة فقرى اوى خلانى ضحكت بقالى كتير ما ضحكتش

هقتله واخفى الخبر علشان ميبهدلش معاه بنات الناس