حلو اوووووووووى هههههههههههههههه

جماعة
بيحششوا ... فجت كبسه... كل واحد اسـتخبه في شوال جه الظابط ضرب الشوال
الاول برجله خرج واحد منهم و اعد يكاكي وعمل نفسه فرخه ضرب التاني خرج
واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره
دي خرج وقال له شوال بطاطس بطاااااااطس انت مابتفهمش

جماعة مساطيل بيتفرجوا على
الاخبار .... فنشرة الاخبار طولت فراح الاولانى قال للتانى :هى لية نشرة
الاخبار طولت النهارد كدة؟ فراح التانى رد عية وقال معلش اصل شكلها كدة
النهاردة اخر حلقة

مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية

مره كان في اتنين مساطيل
قاعدين بيحششوا فا واحد بيقول للتاني انا شايفك اتنين فالتاني بيقولوا لا
انا الي شايفك تلاته فقالوا الاول لا انا الي شايفك اتنين المهم قالوا
خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا
عليه المشكله. فقالهم خلاص اصحاب المشكله يقعدوا على جنب والباقي ده كولوا
يروح

سكران بيقول سبحان الله الانسان زي البني ادم لما بيتوفى بيموت

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مرة اتنين مساطيل قاعدين
فالاول بيقول للتاني هو النهاردة السبت ولا الاحد قام التاني قائل له لا
الاتنين ....قام الاول قاله.... جايين مع بعض

مره واحد بيحشش بيقول لصحبه امبارح جيت اسحب نفس قالوا لى ملكش رصيد

واحد سكران كان بيعاكس وحدة
وحشةاوي بالليل فكان بيقول لها يا وحشة يا وحشة راحت ملتفتة ليه وقالت له
يا سكران راح قايل لها طب انا سكران حفوء بكرة وانتي

واحد مسطول راح مطعم وقال
لصاحب المطعم سندوتش طعمية من غير سلطة.. صاحب المطعم كمان مسطول قال له
من غير سلطة ايه؟ قال له : من غير سلطة قوطة - صاحب المطعم : ماعنديش سلطة
قوطة اعمله من غير سلطة طحينة؟؟؟

جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس

مرة إتنين مساطيل راكبين
عربية فواحد قال للتانى : حاسب قدامك شجرة فالتانى مردش عليه فعلى صوته
شوية : قدامك شجرة برضه مردش عليه فقاله : حاسب قداااامك شجرررر .. طاخ
خبطوا فى الشجرة فطلع من العربية و قاله .. مش قلتلك قدامك شجرة ؟؟؟
فالتانى رد عليه : و أنا أعملك إيه مش إنت إلى سايق ؟؟؟

مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى .

مره واحد راح يشترى بكته بانجو بعشرة جنيه الحكومه طبت على المكان الى هوة فيه راح رامى العشره جنيه

واحد رخم نزل الشارع وقف قدام عمود ... قالوه عديني

مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي

مرة واحد بخيل وابنة قاعدين
بياكلو فا مراتة جت فخبطت فقل ابنة قوم افتح لامك قال لة لا ماهى مراتك
قالة دى امك قلة دى مراتك قلة دى امك قالة لا قالة طيب وراح منادى على
مراتة انتى طالق وراح باصص لابنة وقالة قوم افتح لامك

اتنين مساطيل اتخانقوا الحشيش
يخلى الواحد يشوف التانى اتنين ولا تلاتة راحوا للمعلم يسالوة قالهم دة
حسب الصنف وانتوا بأة جايين انتوا السبعة تسالونى

اتنين مساطيل قاعدين يحششوا ...فمرت جنازة فواحد بيقول للتاني هي
جنازة مين دي يا مدحت؟ فرد علية دي جنازة عمّ محروس فقال الاولانى الله
يرحمه ، وتاني يوم وهما قاعدين في نفس المكان مرت جنازة فنفس الشخص سال هي
جنازة مين دي يا مدحت ؟ فرد عليه دي جنازة عمّ محروس فقال الله برحمه ،
وتالت يوم وهما قاعدين في نفس المكان مرت جنازة فنفس الشخص سال هي جنازة
مين دى ؟ قاله دي جنازة عمّ محروس فقاله: هي الدنيا ملطشة معاه كدة لية

قمة الهدوء........انك تسمع شريط فاضى وقمة الرخامة.......انك تقلب الشريط وقمة التناحة....... انك تعيد حتة عجبتك

عملوا كبسة على جماعة حشاشين و كان فيهم ولد صغير فالظابط بيسأله: و الشمام الصغير اسمة اية ؟؟ قاله : كنتالوب يا بية

مرة واحد بيسال واحد صحبه.ايه الفرق بين تجارة الحشيش و تجارة عين شمس؟ قاله تجارة عين شمس 4 سنين لكن تجارة الحشيش اقلها 25 سنة

واحد مسطول كان ماشي في
الشارع وقع من جيبه مسمار فزعق كده و قالوه: اطلع فمطلعش قالوه : اطلع
مطلعش قام مطلع حبة مسامير من جيبه و رماهم و قالهم: هاااااااااااااتوه

واحد محشش قاعد مع اصحابه و بيحكيلهم : انا مره طلعلى اسد و كان فى
ايدى كباية ميه.... فرميته بيها ..... قام الاسد طلع يجرى......... رد
عليه واحد من اللى قاعدين قاله صح انا لما قابلت نفس الاسد ضربته بالقلم
على وشه ... ايدى اتبلت

اتنين قاعدين بيحششوا فوق السطوح... الاول: الحق يا منير ابوك مات
.. ، راح شدله حجرين وقعد يعيط ..... بعد شوية الحق يا منير امك ماتت ...
، راح شدله حجرين تانى وقعد يعيط .... شويه يا منير الحق اخوك مات ... راح
حادف الشيشة من ايده ووقف علي سور البلكونة و قال :لا ده هو اللي فاضلي
ورمي نفسه ....وهو في الدور السابع افتكر انه مقطوع من شجرة ...وفي الدور
التاني افتكر انه ماسموش منير أصلاً

ظابط مسك واحد مسطول بالليل
كان معاه حشيش سأله انت بتشرب حشيش قاله ايوه يا باشا وبتاجر فيه كمان
قاله ايوه تاني يوم اتعرض على النيابة سأله وكيل النيابة انت بتشرب حشيش
قاله لا يا بيه طب بتاجر فيه قاله لا يا بيه قاله ليه قلت للظابط كده قاله
كنت مسطول يا بيه

اثنين مساطيل قاعدين فى قهوة
وقدامهم مرايه ... واحد قال للتاني بص الأتنين اللى قاعدين هناك دول
..تعالى نروح لهم........ جم يقوموا ، راح قايله أقعد ... همّا اللى جايين

جماعة بيحششوا فى الطرب وطب عليهم البوليس وقالهم الظابط:قدامى
كلكم على البوكس..واحد مرديش قام الظابط شخط فيه وقالوا:قوم يامسطول رد
المسطول وقالوا:لأياباشا انا مش معاهم ..اناميت.

تلاتة بيحششوا واحد قال لهم لو البوليس جه دلوقتى نعمل ايه واحد
قال انا هاعمل نفسى سيجارة مرمية على الارض والتانى قال انا هاعمل نفسى
سيجارة مرمية على الطفاية والتالت قال انا هاعمل نفسي سيجارة مرمية من
الشباك لما جه البوليس واحد رمى نفسه على الارض والتانى رمى نفسه على
الطفاية والتالت رمى نفسه من الشباك فوقع على واحد فى الشارع قال له
احرقونا بقه احرقون

هههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههه

تسلم ايدك يا سكره

ايه يابت الحلاوه دي
هتخلصي علينا من الضحك

ههههههههههههههه
جمدين اوى اوى
ههههههههههههههههههههههههه
شكرا يا هدهد على النكت الجميلة ده

ههههههههههههههههههههههههههههههههههههههههههههههههه
ميرسى يا هدهد