تفاصيل حفله تامر فى المنصورة وسبب فشلها بالفيديو جزء 1

[center]الكلام ده كله على لسان واحد من المنصورة وحضر الحفلة

ولله بخلاف الكوارث الي حصلت دي كلها بس انا شايف انه رد فعلي طبيعي جدا
يعني مش اكون انا نجم وفنان وكمان نجم الجيل زي مابيقولو عليه واعمل كل يومين كليب من مجموعة حفلات واصور البنات وهي بتترمي عليا والكلام الي كلنا بنشوفه في الكليبات او الحفلات بتاعته
ولله هم يبكي وهم يضحك ,
يعني مستني ايه يانجم الجيل من الشباب مانت كل يوم تنزل كليب فيه حاجات جنونية مبتحصلش اصلا في مجتمعنا حاجات مدفوعه وتمنها رخيص اوى عشان الشهرة
للمرة العاشرة انا مش ضد تامر ولا غيره بس انا مبحبش الفن الهابط والرخيص .
كان لازم يفهم ان الي بيعمله ده نهايته كوارث ومصايب , عمرنا ماشوفنا في حفلات لعمرو دياب او منير او محمد فؤاد البلاوى دي
الناس بتطلع بإحترامها وبتنزل بإحترامها ومافيش حاجة اسمها ارخص التيكيتات بتاعت الحفلة عشان فئات الشعب
لو همك اوى كده علي الشعب وبيقطع في قلبك يبقي بناقص تغني اصلا
انت اصلا الهدف من فنك الهابط ده الفلوس وبس مش شهرة ولا تأدية فن راقي ولا الكلام ده
اتقي ربنا بقي ياعم تامر وركز شوية في المزيكا والكلام بتاعك وحاول تعمل الي انت بتمثل بيه علي الناس ,
مافيش حد بيطلع مرة واحدة ولا النجاح والشهرة سهل لاي حد مش فاهم يعني ايه فهم او المقصود منه
بس برجع تاني من الناحية الانسانية واقول الي حصل ده ميرضيش ربنا ولا يرضي اي حد عشان البنات الي اتهانو واتبهدلو دول اهلنا واخواتنا كمان ولو اي حد من المتخلفين الي اتهجم علي البنات دول اعتبر ان البنات دول اخواته مكنش حصل حاجة ولا حد اتبهدل ولا اتهان .
في النهاية بشكرك يا Ech علي الخبر والتحليل وانا واثق في كلامك وواثق من الي انت كاتبه ده
وربنا يهدي الجميع
تحياتى .