لحب تحت العشرين… غموض وتناقض

الحب

كلمة معناها كبير قوي

منذ اول لحظة اتولدنا فيها ونحن نعرف الحب وتذوقناه
من حب الأم لحب الأب للأهل

حب الناس

ولكن انهارده هاندردش في موضوع

عن الحب بين طرفين ( الارتباط العاطفي )
هاتخلى عن اللغة العربية الجميله

ولنتكلم بلتنا البسيطة اللغة العامية علشان نقرب من بعض اكثر
لان الموضوع بيشغل تفكير ناس كتير

وخصوصاَ انا اغلب الناس في مرحلة جامعية وتحت العشرين

تعالى شويه كدا
لحب تحت العشرين… غموض وتناقض Big-smil

لكن قبل ما نتكلم في مبدأ لا نتخلى عنه ( الحب
مدام في رضا الله وفي نور يبقى حلال وربنا يرضى عنه لكن اذا حدث اي شيء
تاني يغضب الله ) فان الحب نفسه بريء من هذا
( الحب تحت العشرين )

أول ما حد يشوف الموضوع هايقولي يعني ايه فوق وتحت العشرين

تحت الشعرين شايفنا صغيرين ولا ايه
وبعدين الحب مش بالعمر
طيب استنى

شوف هانتكلم ازاي وعن ايه بالظبط
وخلينا نمشي بمبدأ ( لا تقنعني لا أقنعك )

في فرق بين الحب تحت الــ 20 وفوق سن 20

اه في فرق

الحب تحت سن العشرين

بيطلقوا عليه حب المراهقيين
وطبعا كلمة او مصطلح مراهقيين مش عيب ولا حرام ولا استقلال بالقيمة

تعالوا نشوف معنى كلمة مراهقيين

علماء النفس فسروا المراهقيين
وقالوا عنهم ان المراهقة عبارة عن سن لم يكتمل فيها الشخصية ولا النضوج
الفكري للانسان وبيتصرف تصرفات احيانا غير عقلية بالمره والتفكير وقتها
محدود
وطبعا بتختلف من بيئه لبيئة ومن مكان لمكان وثقافة وعوامل كتير بتؤثر على هذه المرحلة وغالباَ المرحلة دي من سن 13 لــ 21

وعند الفتاة بيبقى مبكراَ هذا النضوج سواء ( فكري او عاطفي ) غالباَ

مع العلم ان سن المراهقة قد يتاخر عن ذلك ويحدث في سن 30 او 40 سنه وتسمى مراهقة متاخرة
ــــــــــــــــ

حتى لما بنوصل لسن 21 بيقولوا قدد بلغت سن الرشد لحب تحت العشرين… غموض وتناقض X9

دا معنى كلمة مراهقة

نيجي بقى لحب المراهقة

الحب في المرحلة دي ( أول حب ) وليس تاني ولا تالت

بيكون صادق جدا وغالبا بيبدأ بإعجاب

ولكن الحب من النوعية دي بيبقى اصلا وبيقولوا عليه ( انه حب طائش‏..‏ أو حب‏(‏ بلا تعقل‏)..‏ أو حب‏(‏ طاريء‏)..!!)

عارف وقتها بيبقى الاسنان في اجمل لحظات حياته لما بيحب

ولكن للاسف مش بيكمل ليه

هانخلصها في كلمتين

ارتبط بالطرف التاني ما بين سن 13 سنه لــ 20 يا ترى خطط وان بتحب الانسانه دي انك هاتتجوزا امتى بالظبط
اه عارف ظروفك هاتبقى ايه
هي وانت تفكيركم هايختلف بعد فترة بعد سنه هايكون عامل ازاي

مع العلم انك في الفترة دي ولغاية التخرج من الجامعة بتبقى بتكون شخصية وفكر معين

حتى تلاحظ الشاب لما يكون جي من ثانوية عامة
لسه بقى داخل عالم جديد وجنتول كدا وداخل فاكره نفسه خلاص يا دنيا اتهدي
بعد فترة يمكن تكون سنه تفكيره بيختلف تمام

واحد هايقولي انا ارتبط وفضلت مرتبط 5 سنين
طيب خلال ال 5 سنين

التفكير مش اختلف الظروف مش اختلفت

يا ترى الانسانه اللي اخترتها على اسس وانت في الثانوي ولا كان اعجاب بنوته جميله مؤدبه

والدليل على ذلك كل يوم بنشوف قصص حب اغلبها تحت سن العشرين وتلاقي القصه
الجميله تنتهي وتبدأ قصة جديده لا نعرف كيف تنتهي واكيد نفس النهاية عدم
اقتناع والاسباب المعتاده

طيب تعالى فكر كدا في زوجة بعد ما تتخرج هاتقول عايز اتزوج من واحد متدينة وجميله ومثقفه ومواصفات عقلانيه

دا الفرق بين الاختيار وانت في المرحلة قبل 20 وبعد 20

تعالى نشوف الحب فوق سن الـ 20

بعد سن الـ 20

بيوصل الانسان لمرحلة ( النضج العاطفي)
وبيقولوا عليها مرحلة الارهاق
وقتها الحب بيكون في قالب

والواقع الذي يعيش فيه الاسنان قالبا اكبر
اذا وجد ان قالب الواقع يبناسب واقع الحب
بيضع قالب الحب اللي هو اصغر في قالب واقع الحياة
لكن اذا حدث العكس مش هيلاقي في حب اصلا

مبينفعيش تتزوج واحده اعلى من مستواك المادي بمراحل
هتلاقيها من اول اسبوع مش طايقه مهما كان الحب
ومواقف كتير لازم تحكمها بالعقل علشان تعرف ترتبط بالاسنه اللي بتحبها

ان حب المراهقة‏,‏ هو الحب المبكر‏..‏ محمولا علي أجنحة الأمل‏..‏ وان حب
الارهاق‏,‏ هو الحب المحمل بأعباء الحياة ومشقاتها‏...‏ لكن حب الكبار
‏..‏ هو الحب الختامي‏..‏ لمسرحية الحياة‏..‏ تعزف له الموسيقي قبل اسدال
الستار‏

الانسان يتمنى انسان تاني علشان يعيش باقي حياته معاه

يعطيه كل ما يملك من حب
حتى لو مشاغل الحياة غطيت على الحب دا
ولكن من جوا هو بيحبها

ولو لاحظنا هو بيتعب ليه نفسه كل يوم في الشغل وبردو بيرجعلها مبتسم

الحب شيء جميل قوي ربنا خلقه لينا علشان نعرف نعيش في الدنيا دي
الدنيا اللي ملهاش لازمه

الحب لا يقتصر على حب بين اتنين في حب الاهل وحب الناس ( الحب في الله )ولكن اذا ارتبط واذا احببت

حب في الله وفي نور وبرضا الله

علشان ربنا يباركلك في وتقدر تكمل مع الانسان اللي اخترته

ولكن نبقى في موضع نقاش

حول الحب تحت العشرين

غموض وتناقض

غموض لا نعرف اذا كان هو حب نقدر نكمله ويبقى شريك حياتنا

وتناقض مع الواقع والخيال

اللي بيخلينا نمشي في طريق قد يكون جميل مؤقتاَ وبنصحى الحلم على كبوس غالباَ

وبنقول تجربة وعديت

دي وجهة نظر

اختلاف وجهات النظر لا يفسد للود قضية

والموضوع نقاش مفتوح

في اشياء كتير كنت عايز اتكلم فيها لان الموضوع كبير وكلنا مرينا عليه واللي مش مر هايمر

ويارب كل الناس تمر عليه بخير وسلام

وان شا ءالله نتكلم في هذه الاشياء بالتفصيل بعد كدا

__________________

عندك حق فى كل كلمة بس فى ناس حبها الاول اللى من المراهقة بيستمر معاهم مش شرط عشان فى ناس مع حبها الاول لما بتسمع الكلام ده بيتبقى مستنية الوداع

هو انا شايفه انها مش قاعده عامه لحاجه اسمها حب تحت العشرين اصلا مش معقوله انا مثلا لما احب هيكون نفس تفكير او حب بنت عندها 13 سنه مستحيل طبعا انا شايفه ان المخ والعقل ممكن ينضح قبل السن ومتكده 100 فى الميه ان حب المراهقه دا ملوش معنى دا مجرد وهم بس بس بتكلم على السن الصغير لان اانا مثلا سنى صغيره بس ممكن يكون التفكير اكبر من السن علشان كده حاسها مقوله خاطئه بتاعت حب فوق العشرين وتحت العشرين اه مختلفناش ان الحب بيكون وصل لكامل النضج بعد العشرين دا اكيد لان التفكير بيتغير خلاص دا واحد عايز يشيل المسئوليه عاوزه يكمل نص دينه فلازم تفكيره يتغير عكس البنت فى الموضوع دا شويه