هل ممكن فعلا ننسي الحب الأول ولا زى ما بي قولوا صعب انه يتنسي ؟
ولو كان صعب فعلا يتنسي أزاي نحاول ننساه او ننسي جزء منه عشان منظلمش اللي قلبنا ها يحبه تاني دا لو حصل حب تاني يعنى فرضا لان فيه ناس كنير بعد ماتنجرح من الحب الأول ده بتقول مش ممكن يحصل حب تاني وان مفيش حاجة اسمها حب أساسا وتفقد الثقة في كل من حولها . لأ . فيه حب وحب كنير كمان ومش معني إن إحنا اتجرحنا يبقي خلاص الدنيا مبقاش فيها خير
ده ممكن يكون درس أتعلمنا وأكيد كمان فعلا أتعلمنا لان الحياة دروس مستفادة .
وممكن بتجربتك دى تقدر تعرف بعد كده ان كان اللي قالك بحبك بعد كده لو حصل حب تاني في حياتك فعلا بيحبك ولا بيتفألس عليك ولا إيه ؟
اه فعلا صعب شوية الحب الأول ده يتنسي خصوصا إن كان حب صادق صافي بس لازم زى ما قلت نحاول ننساه عشان منظلمش إنسان ملوش اى ذنب غير انه حب .
ازاى بقى نقدر ننساه ..........؟ ممكن بعدة طرق
1- تفكر في حاجات وحشة عملها فيك حبيبك : يعني ازاى كان بيعاملك مش كويس في بعض الأحيان وكان بيجي عليك كنير أوى
2- متتكلمش عنه في أي حاجة مع أي حد سواء كانت وحشة أو حلوة : يعني مجبتش سيرته خالص إن قدرت ههههههههههههههههههه
3- ولد في نفسك إحساس إزاي الإنسان ده ضحك عليك وتلاعب بمشاعرك
4- أوهم نفسك إنه كان بيتسلى بيك وإن كل كلمة قالها كانت كدب
5- حاول تعتبره وقت وراح وأيام جميلة فاتت من عمرك وإنها مش هاترجع تاني فترة وانتهت يعني
6- خلي قلبك أسود م الآخر من نحيته : خلاصة الكلام يعني
بس أقولك على حاجة بجد مش هاتقدر تنسى وهتلاقي نفسك بتتكلم عنه كتير من غير ما تحس , واحتمال مع الوقت
تنسى لو دخل في حياتك حد تاني وحبيته أوي بقدر الحب اللي حبيته للحد الأول ده , بس معتقدش إن فيه حب بيكون بقدر الحب الأول ومع كل ده _الله أعلم_ جرب وحاول وقوللي على النتيجة . أنا شخصيا عارف النتيجة بس حابك تجرب .
بس حط في دماغك إن الدنيا مش وافقة مع اللي حصل ده ومش هاتقف وعيش حياتك بس متحاولش تاخد بطارك او تفكر في كده وتعمل اللي اتعمل فيك في حد تاني يعني متلعبش بحد وتقول كلهم زي بعض . لأ . صوابع إيديك مش زي بعضها .
ولو حصل في حياتك حب جديد حاول بقدر الإمكان إنك تنسى أو على الأقل متتكلمش عن الإنسان اللي حبيته زمان قدام الشخص اللي بتحبه حاليا حتى لو طلب منك كده قوله بلاش نتكلم في الموضوع ده , لأنك بجد لو سمعت كلامه واتكلمت فيه هاتجرحه اوي مع إن هو اللي طلب منك الكلام فيه بس بكده بتأكد له إنك لسه فاكر كل حاجة ,
هو هايبين أن مفيش حاجة وعادي لكن من جواه مجروح وكاتم . فياريت متتكلمش عن أي حاجة بقي في الماضي وعلى فكره إنت كده مش بتخدعه زي ما البعض ممكن يفهم كده لأ إنت بجد كد خايف على مشاعره وإن هو مافهمش كده في وقتها لكن هيحس بيها بعدين وإن مافهمش حاول إنت بقى تفهمه .
على فكرة كل الكلام ده من وجهة نظري أنا وفيه وجهات نظر كتير وكل حد حر في وجهة نظره بس أنا شايف كده واللي عايز يشوف يشوف على مزاجه واللي موافقني رأيي ده يرفع إيده . وإشطه . ومع كل ده مش هاتقدر تنسى الحب الأول .ههههههههههههههههههههههههههههههههههه
اللي ينساه يقلي نسيه اززااااااااااي
تحيـــــــــــــــاتي