ليه لما بنحب اوي بننجرح اوي

انا بصراحه لاجربت الحب ولا الجرح
بس انا شايفه ان الحب هو الحب والجرح هو الجرح
مافيش حب اوى وحب نص نص ولا ف جرح قوى وجرح نص نص
كله حب وكله جرح
ولا يمكن يعنى عشان ف درجات ف الحب يبقى ف درجات ف الجرح
بجد مش عارفه بس اللى يفيدنا اللى عاش الحكايه دى

طبعا فى حب بجد وفى حب كدة وكدة عشان كدة فى جرح عادى وفى جرح اوى


الحب اللى بجدهو اللى مفيش فرق بينك وبين اللى بتحبه


رايكو واحد وكل واحد بيخاف قبل مايتصرف خوف على زعل التانى


احترامة وهو موجود او مش موجود صورته فى زهنك على طول


الحب اللى بجد انى اكون مش خايف عمرى من اللى بحبه


متوقع منه كل خير الثقة الزائدة جدا مفيش مشكلة مبنحلهاش


محدش بيدخل بينا ولا تبص على غيرك طول مهما حاسين انهم اجمل كابلس فى الدنيا


الدنيا كلها هتحسدهم هو ده الحب اللى بجد اما بقى الحب كدة وكدة


ان هو اصلا معرفتهم ببعض غلط اللى هو مثلا انا هقول انا بحب دى عشان تقربلى


وادام صحابى انا ماشى معاها بتسلى باملا وقتى


وهى تقول انها بتحبنى عشان ادام صحابتها تبقى هى البنت الأمورة اللى فيهم


وكل البنات تحب انها تمشى معاها وتعد تالف كان بيقولى فى التليفون ...........


وهكذا ولما يكون مش موجود تلاقى واحد احسن منه تقربله حتى لو كان صحبه


نفس الكلام على الولد هو ده الحب الكدة وكدة


وعلشان كدة فى جرح بجد وفى جرح صغير


الجرح الأوى مثلا لو باباك جابلك مثلا موبايل لو ضاع مبتزعلش عليه اوى


انما لو انت اللى كنت بتشتغل وجايبه بفلوسك وضاع بتزعل عليه اووووووى


عشان انت الوحيد اللى حاسس بيه


نفس الكلام لو انت بتقول انك بتحب واحدة بس انت مبتحبهاش وانت متوقع انك لما تزهق منها هتسبها


وجت هى اللى سبتك بتزعل اوووووووووى بتحس انها لعبة بتعتك


لعبه سليمة بتاعتك ولو بايظة بردو بتعتك وهتفضل شاغل نفسك بالموضوع


وهتلف ورا صاحبتها وتقنعهم انك مجروح هو ده الجرح اللى مش اوى


وبتنسى اول متلاقى واحدة تانية وهكذا والشخصيه دى بتتعب اوى لما بتحب


انما الجرح الأوى انك تحب واحد او واحدة وتتعب اوى وانت بتحاول تتاقلم عليه


وبتعرفه نفسك وتحاول تعمل اللى بيحبه ومتزعلهوش ومتتوقعش ابدا انه يسيبك


او يزعلك وبتيجى على كرامتك عشان ترضيه وانت مش مستنى منه شكر ومش مستنى ان الناس تقول عليك انت حبيب


وتبص تلاقيه مش فى دماغه حاجة خالص والأصعب لما يكون عملك سلم عشان يوصل للى هو عايزة ولما يوصل يقولك شكرا


مبتبقاش عارف تفكر تعمل ايه وبدل مكنت بتروح ورا زمايلها عشان تفهمهم انك مجروح


لا دلوقتى انت بتجرى ورا زمايلها عشان بس تسمع صوتها


وميبقاش عندك غير كلمة واحدة

محدش قال رايه